Mastodon é o mellor xeito de estar ao día do que acontece. Sigue a persoas de todo o fediverso e le as publicacións en orde cronolóxica. Sen publicidade, algoritmos ocultos ou ligazóns tramposas.

Esta é a aplicación Android oficial para Mastodon. Rápida coma un raio e fermosa, deseñada non só para ser eficiente se non tamén doada de usar. Coa nosa app podes:

DESCUBRIR

■ Atopa escritoras, xornalistas, artistas, fotógrafas, científicas… todo tipo de persoas
■ Mira o que está a pasar no mundo

LER

■ Estar ao día sobre as persoas que che interesan vendo as publicacións en orde cronolóxica e sen interrupcións
■ Seguir cancelos en tempo real sobre temas concretos

CREAR

■ Publica para as persoas de todo o mundo que te seguen, con enquisas, imaxes e vídeos de alta calidade
■ Participa en conversas interesantes con outras persoas

AO TEU XEITO

■ Crea listas de persoas para non perder nada do que publican
■ Filtra palabras ou frases para controlar o que queres ver e o que non

E MOITO MÁIS!

■ Aparencia fermosa que se adapta ás cores personalizadas, ou aos decorados claro ou escuro
■ Comparte e escanea códigos QR para intercambiar axilmente perfís de Mastodon coas amizades
■ Podes acceder e usar varias contas na mesma app
■ Usa o botón da campá para recibir unha notificación cando unha persoa concreta publica
■ Sen spoilers! Podes poñer as publicacións detrás de avisos sobre o contido

PLATAFORMA DE PUBLICACIÓN PODEROSA

Xa non tes que intentar bailar ao son dun algoritmo opaco que decide se as túas amizades verán o que estás a publicar. Se te seguen, vante ver.

Se publicas na rede aberta, estará accesible na rede aberta. Podes ter certeza de que se publicas ligazóns a Mastodon calquera poderá ver a publicación sen ter que iniciar sesión.

Entre os fíos, enquisas, imaxes de alta calidade, vídeos, audio e avisos de contido, Mastodon proporciona moitos xeitos para poder expresarte tal como desexas.

PLATAFORMA DE LECTURA PODEROSA

Non precisamos mostrarche publicidade, polo que tampouco te fechamos na nosa app. Mastodon ten unha rica variedade de aplicacións de terceiras parte alleas e integracións entre as que podes elixir para ter a experiencia de uso que mellor che conveña. 

Grazas á orde cronolóxica das publicacións é fácil darse conta de cando xa viches todas as publicacións e podes ir facer outras cousas.

Sen preocupacións por premer aquí ou alá. Iso non vai influír nunca nos contidos que ves. Non controlamos o que queres ver, deixamos iso nas túas mans.

PROTOCOLOS, NON PLATAFORMAS

Mastodon non é unha plataforma de medios sociais tradicional, se non que se constrúe sobre un protocolo descentralizado. Podes crear a conta no noso servidor oficial, ou elixir calquera outro para personalizar a experiencia e manter os teus datos.

Grazas a un protocolo común, non importa o que escollas, podes comunicarte sen problemas con outras persoas de outros servidores Mastodon. A maiores: con só unha conta, podes comunicarte con persoas de outras plataformas do fediverso.

Insatisfeita coa túa elección? Sempre podes cambiar a outro servidor Mastodon diferente levando contigo as túas seguidoras. Para usuarias expertas, incluso podes aloxar os teus datos na túa propia infraestrutura, porque Mastodon é de código aberto.

SEN ÁNIMO DE LUCRO

Mastodon é unha organización sen ánimo de lucro rexistrada en EEUU e Alemaña. Non temos interese en extraer valor económico da plataforma, se non que buscamos o mellor futuro para ela.

CON REFERENCIAS EN: TIME, Forbes, Wired, The Guardian, CNN, The Verge, TechCrunch, Financial Times, Gizmodo, PCMAG.com, e moitas máis.